Eftir fjóra leiki í röð án taps tapaði KA gegn Vestra á Ísafirði í dag. Fótbolti.net ræddi við Hallgrím Jónasson, þjálfara KA, eftir leikinn.
„Mér fannst við ekki tilbúnir í baráttuna og seinni boltann. Seinni hálfleikur var virkilega góður, lentir undir og þrýstum á þá allan leikinn og komust í virkilega margar stöður en hefði viljað skapa fleiri dauðafæri. Við komumst vissulega í dauðafæri á síðustu sekúndunni en sköllum yfir tómt markið," sagði Haddi.
„Mér fannst við ekki tilbúnir í baráttuna og seinni boltann. Seinni hálfleikur var virkilega góður, lentir undir og þrýstum á þá allan leikinn og komust í virkilega margar stöður en hefði viljað skapa fleiri dauðafæri. Við komumst vissulega í dauðafæri á síðustu sekúndunni en sköllum yfir tómt markið," sagði Haddi.
Lestu um leikinn: Vestri 1 - 0 KA
Haddi var ekki ánægður með markið sem liðið fékk á sig.
„Við missum boltann á miðjunni. Mér finnst það vera brot. Það voru fullt af atriðum sem hann gat dæmt eða ekki. Hinn bekkurinn öskraði úr sér lungun allan tímann og ég held því miður að það hafi haft áhrif á dómarann. Það er gjörsamlega óþolandi hvað sumir mega öskra inn á völlinn yfir atriðum sem voru augljóslega rétt dæmd en það er samt allt brjálað," sagði Haddi.
Ásgeir Sigurgeirsson þurfti að fara af velli eftir að hafa fengið tvö höfuðhögg með stuttu millibili og hann var færður upp í sjúkrabíl.
„Það er skallað tvisvar í hausinn á honum og hann blóðgast. Hann er með hausverk en ég veit ekki hver staðan er á honum. Það er sama með Jóan, hann brýtur á þeim og dæmt brot. Þá er hann laminn í andlitið og hann fær blóðnasir. Hvorug þessara tilvika eru spjöld en svo erum við spjaldaðir fyrir að brjóta á þeim langt frá markinu," sagði Haddi.
Athugasemdir
