Völsungur og Keflavík gerðu jafntefli í viðburðaríkum leik á Húsavík í dag. Fótbolti.net ræddi við Harald Frey Guðmundsson, þjálfara Keflavíkur, eftir leikinn.
Lestu um leikinn: Völsungur 1 - 1 Keflavík
„Mér fannst við vera ofan á í fyrri hálfleik og sköpum okkur ágætar stöður og færi til að skora mark. Svo gerum við mistök og staðan 1-0. VIð skipulögðum okkur í hálfleiknum, við missum mann af velli en það kemur auka orka með okkur og fljótlega fáum við víti og rautt á þá. Þá er staðan orðin jöfn og þetta er orðinn hörku leikur sem er mikið fram og til baka," sagði Haraldur.
Keflavík var marki undir í hálfleik og missti síðan Marin Brigic af velli með rautt spjald eftir klukkutíma leik.
„Það er pjúra rautt spjald. Hann er sloppinn í gegn og hann klippir hann niður,"
Keflavík er í 5. sæti með 11 stig eftir sjö umferðir.
„Það er undir pari. Það þarf að spila þessa leiki, það eru allir erfiðir leikir í þessari deild. Staðan er eins og hún er og það er bara áfram gakk. Við eigum ÍR í deildinni næst og við þurfum að fara undirbúa það. Markmiðin okkar hafa ekki breyst og það er klárt að markmiðið okkar er að fara upp um deild," sagði Haraldur.
Athugasemdir
