Lærisveinar Jón Þórs eru neðstir.
„Svekkjandi niðurstaða og svekkjandi tap," segir Jón Þór Hauksson, þjálfari ÍA, eftir 4-1 tap sinna manna gegn Aftureldingu fyrr í kvöld.
Lestu um leikinn: Afturelding 4 - 1 ÍA
ÍA komst yfir í leiknum eftir rúman stundarfjórðung en í kjölfarið tóku heimamenn við sér og skoruðu fjögur mörk og gengu frá leiknum.
„Við áttum góða kafla og áttum möguleika að komast í 2 eða 3-0 áður en þeir jafna. Mér fannst Axel Óskar komast upp með tvö ljót brot hérna á meðan hann er á gulu spjaldi. Við héldum áfram að skapa okkur færi en nýtum þau ekki."
ÍA spilaði 4-2-3-1 leikkerfi í dag sem er ekki eitthvað sem maður er vanur að sjá hjá ÍA.
„Við spiluðum 3-5-2 í fyrra og framan af þessu tímabili, fram að því spiluðum við þetta. Stóru vandamálin okkar liggja ekki þar. Við tókum ekki sénsana okkar en þeir gerðu það."
ÍA eru áfram neðsta lið deildarinnar eftir tapið í dag.
„Við þurfum að nýta kaflana okkar betur, við erum að skapa fullt af færum og áttum að vera komnir í meira en 1-0 þegar Afturelding jafnar. Lengi framan af þessum leik er fleira jákvætt í okkar leik en við þurfum að nýta það betur.
Jón Þór var ekki lengi að svara því þegar hann var spurður hvort hann væri farinn að efast um það að hann væri rétti maðurinn til að snúa við slöku gengi Skagamanna.
„Nei"
Viðtalið er í heild sinni hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
