„Svekktur að tapa leiknum en hrós á Stjörnuliðið, þær spiluðu sterkan varnarleik, skoruðu mark snemma og fóru svo bara og vörðust. Ég ætla hvorki að falla í þá gryfju að segja að við höfum fengið á okkur skítamörk eða vera hissa á því að Stjarnan hafi varist vel." sagði Ólafur Kristjánsson þjálfari Þróttar eftir 2-0 tapið á Samsungvellinum í Garðabæ í Bestu deild kvenna.
Lestu um leikinn: Stjarnan 2 - 0 Þróttur R.
„Það sem var að hjá okkur var það að við vorum ekki að ná að opna vörnina hjá þeim, við fórum lítið stykt út í breiddina og vorum ekki að vinna þær stöður sem við höfum verið að gera þannig það var svona kannski hjá okkur lykillinn að opna vörnina var ekki réttur og bara vel uppsetur leikur hjá Stjörnunni."
„Ég er ekki sáttur með hvernig við leystum stöðurnar á síðasta þriðjung, það vantaði djúp hlaup, það vantaði svona að ógna afturfyrir þær og liðið var svolítið statt."
„Það eru fullt af hlutum sem ég er ósáttur með en get andskotann ekki gert neitt í því núna, leikurinn er búin. Ábyrgðin liggur svolítið á mér og stelpnanna að leysa það inni á vellinum. Ég er ósáttur með sjálfan mig og niðurstöðuna."
Nánar var rætt við Ólaf Kristjánsson í viðtalinu hér að ofan.
