Davíð Snær Jóhannsson var í byrjunarliði Álasunds og reyndist hetjan í 2-2 jafntefli gegn Stabæk í norsku B-deildinni.
Heimamenn í liði Álasunds lentu tveimur mörkum undir í fyrri hálfleik en Davíð Snær sá um endurkomuna í síðari hálfleik.
Hann lagði fyrst upp fyrir Henrik Melland og jafnaði svo sjálfur með marki á 81. mínútu.
Lokatölur 2-2 og eru bæði lið áfram um miðja deild. Álasund er með 14 stig eftir 9 umferðir, einu stigi meira heldur en Stabæk.
Álasund er með leik til góða á öll liðin í kringum sig og getur komið sér í góða stöðu með sigri í næstu umferð.
Athugasemdir
