Fram var með gríðarlega sterkan 1-2 endurkomusigur gegn Val á N1-vellinum á Hlíðarenda.
„Bara mikil hamingja og gleði" svaraði Óskar Smári þegar hann var inntur eftir fyrstu viðbrögðum
„Ég er bara ótrúlega stoltur af liðinu mínu í dag."
Lestu um leikinn: Valur 1 - 2 Fram
„Leikurinn sem slíkur, mér fannst hann, fyrri hálfleikur var ekkert slæmur, við vorum að elta leikinn og Valsliðið gerði bara vel í fyrri hálfleik, fengu mikið pláss og tíma. Seinni hálfleik þá lokum við, förum í aðeins öðruvísi, eiginlega bara lélega settur upp leikur hjá mér í rauninni og lögum það í hálfleik"
Murielle skoraði sigurmarkið í dag og er nú orðin næstmarkahæst í deildinni ásamt Freyju Karín í Þrótti með 7 mörk.
„Murielle fer bara fyrir liðinu eins og hún er búin að gera í allt ár, mikill lukkufengur að hafa hana ásamt öllum leikmönnum liðsins, mér fannst þetta algjör liðssigur og hún rak smiðshöggið á frábæra sókn."
„Ætla að gefa henni og öllu liðinu hrós."
Næsti leikur Fram er heimaleikur gegn Þrótti klukkan 18:00 á Lambhagavellinum áður en hlé verður á deildinni vegna EM kvenna.
„Þær unnu okkur sannfærandi á sínum eigin heimavelli en við höfum vaxið mikið síðan, þannig við þurfum að setja leikinn vel upp."
„Það er svolítið mikilvægt að fara inn með góða frammistöðu inn í EM pásuna."
Sjá má viðtalið í heild í spilaranum hér að ofan
