Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. Fylkir 30 stig
12. Selfoss 16 stig

Um liðið: Fylkismenn enduðu í sjöunda sæti Pepsi-deildarinnar í fyrra eftir kaflaskipt tímabil.  Undir lokin var leikmannahópurinn ansi þunnskipaður og Árbæingar uppskáru ekki mörg stig undir lok móts.  Ólafur Þórðarson lét af störfum eftir tímabilið og í kjölfarið tók Ásmundur Arnarsson við stjórnartaumunum.


Hvað segir Heimir? Heimir Hallgrímsson aðstoðarlandsliðsþjálfari er sérstakur álitsgjafi Fótbolta.net um liðin í Pepsi-deild karla. Heimir hefur náð mjög góðum árangri með lið ÍBV undanfarin ár.  Síðastliðið haust var Heimir ráðin aðstoðarþjálfari íslenska landsliðsins eftir að Lars Lagerback var ráðinn þjálfari. Hér að neðan má sjá álit Heimis.

Styrkleikar: Þessir ungu strákar sem voru að spila í fyrra litu vel út og ég hef ekki eins miklar áhyggjur af Fylki og margir eru að tala um. Ég held að Ási eigi eftir að ná fínum árangri með Fylki. Ef Finnur Ólafsson verður heill getur hann breytt þessu liði og náð stöðugleika í miðjuspilið. Með vinnudýr eins og Ásgeir Börk við hlið sér gæti Finnur blómstrað í sumar. Styrkleikarnir liggja í þeim krafti sem býr í leikmönnum Fylkis (klárlega arfleið Óla Þórðar).  

Veikleikar: Ég er hræddur fyrir hönd Fylkis að byrjunin gæti orðið erfið.  Margir lykilleikmenn hafa lítið spilað á undirbúningstímabilinu og það gæti tekið Fylki tíma að stilla strengi.  Á pappírnum er hópurinn ekkert sérstaklega sterkur. Fyrir utan fyrstu 11 eru ekki mörg nöfn sem fólk kannast við.  Mér finnst líka vanta einhvern afgerandi leikmann í liðið, einhvern alvöru leiðtoga sem leikmenn geta leitað til þegar gengur illa.  Þeir fengu mikið af mörkum á sig í fyrra og héldu ekki út leikina, það var þeirra helsta vandamál. 

Þjálfarinn: Ásmundur Arnarsson
Ef einhver þjálfari getur náð árangri með mannskap þar sem eru ekki mjög þekktir leikmenn og með lið sem er ekki spáð góðum árangri þá er það Ásmundur Arnarsson.  Ási náði ótrúlegum árangri með Fjölni.  Þar var hann með leikmenn sem voru ekki mjög þekktir.  Þegar harðnar í dalnum er gott að hafa sálfræðinginn og aðstoðarþjálfarann Hauk Inga Guðnason sér við hlið.   Báðir miklir heiðursmenn Háttvísi verður í hávegum í Árbænum og aðstoðardómarar anda léttar.      

Lykilmenn: Ásgeir Börkur Ásgeirsson, Finnur Ólafsson, Ingimundur Níels Óskarsson

Gaman að fylgjast með: Það verður gaman að fylgjast með Björgólfi Takefusa og spennandi að sjá hvernig hann mun fylla það skarð sem Albert Brynjar Ingason skilur eftir sig. Hvort Bjöggi nær sér á strik getur ráðið úrslitum um gengi Fylkis í sumar. 

---

Líklegt byrjunarlið í upphafi móts:


Stuðningsmaðurinn segir:
Þorsteinn Lár Ragnarsson í XXX Rottweiler: ,,Mín spá er að við verðum í kringum miðju.  Við gætum verið að berjast um evrópusæti ef allt gengur upp en ef menn mæta ekki klárir verður fallbaráttan raunin. Við erum með mikið af ungum strákum sem fá tækifæri til að sanna sig. Ég hef trú á þeim þar sem Fylkir hefur verið með eitt öflugasta yngriflokkastarf landsins síðustu áratugi. Við fengum Magnús Þóri frá Keflavík og vænti þess að hann setji nokkur mikilvæg mörk fyrir okkur. Mér líst líka vel á þjálfarateymið sem ég held að geti náð því besta út úr ungum og efnilegum leikmönnum. Fylkir er það félag sem hefur verið lengst í efstudeild núna að KR undanskildum og ég sé ekki að það muni breytast neitt. Ég vil síðan nota tækifærið og pressa á borgaryfirvöld að tryggja fjármagn fyrir nýrri stúku sem er löngu orðin tímabær framkvæmd. Áfram Fylkir."

Völlurinn:
Á Fylkisvelli eru 560 sæti án þaks og stæði fyrir 720 manns en stefnt er á að byggja þak yfir stúkuna á næstunni.  

---

Breytingar á liðinu:

---

Leikmenn Fylkis sumarið 2012:

1. Bjarni Þórður Halldórsson
2. Kristján Valdimarsson
3. Ásgeir Börkur Ásgeirsson
4. Finnur Ólafsson
5. Davíð Ásbjörnsson
6. Þórir Hannesson
7. Ingimundur Níels Óskarsson
8. Árni Freyr Guðnason
9. Jóhann Þórhallsson
10. Björgólfur Takefusa
11. Kjartan Ágúst Breiðdal
12. Ólafur Íshólm Ólafsson
13. Benedikt Óli Breiðdal
15. Magnús Þórir Matthíasson
16. Tómas J. Þorsteinsson
17. Ásgeir Örn Arnþórsson
18. Kristján Finnbogason
19. Oddur Ingi Guðmundsson
20. Daníel Freyr Guðmundsson
22. Andri Már Hermannsson
23. Rúrik Andri Þorfinnsson
24. Elís Rafn Björnsson
25. David Elebert
26. Andri Þór Jónsson
27. Styrmir Erlendsson
29. Ásgeir Eyþórsson
30. Hjörtur Hermannsson
32. Hákon Ingi Jónsson
33. Emil Ásmundsson

---

Leikir Fylkis 2012:
6. maí Fylkir - Keflavík
10. maí Stjarnan - Fylkir
15. maí Fylkir - ÍA
20. maí ÍBV - Fylkir
24. maí Fylkir - Valur
31. maí FH - Fylkir
14. júní Fylkir - Fram
20. júní Selfoss - Fylkir
2. júlí Fylkir - Breiðablik
5. júlí KR - Fylkir
16. júlí Fylkir - Grindavík
23. júlí Keflavík - Fylkir
29. júlí Fylkir - Stjarnan
8. ágúst ÍA - Fylkir
12. ágúst Fylkir - ÍBV
20. ágúst Valur - Fylkir
27. ágúst Fylkir - FH
3. september Fram - Fylkir
16. september Fylkir - Selfoss
20. september Breiðablik - Fylkir
23. september Fylkir - KR
29. september Grindavík - Fylkir