,,Hefði frekar viljað fá lægra rankaðan dómara sem hefur áhuga á þessu''
Þóra Björg Helgadóttir.
„Við fengum á okkur tvö klaufaleg mörk sem við vissum að myndu koma, við erum með unga og mjög efnilega stelpu í markinu og er búin að standa sig frábærlega. Fyrstu tvö mörkin voru ólík henni," sagði Þóra Björg Helgadóttir aðstoðarþjálfari Fylkis eftir 0-4 tap heima gegn Breiðabliki í kvöld.
Lestu um leikinn: Fylkir 0 - 4 Breiðablik
„Svo komum við út í seinni hálfleikinn og vorum búin að breyta ákveðnum áherslum og byrjum gríðarlega vel en svo drepur þriðja markið okkur."
„Dómgæslan í kringum það er náttúrulega gríðarlega svekkjandi. Það var bara varið með hendi. Þriðja markið gerir út um leikinn og þá er þetta búið."
„Virkilega svekkjandi að sjá svona dómgæslu og það virðist algjört metnaðarleysi hjá dómurunum. Þetta er svo svekkjandi, við erum með stelpur sem koma hérna sex daga vikurnar og gera allt til að bæta sig og bæta sinn leik með hverju árinu. Svo fá þær þetta, þetta er hrikalegt."
Sigurður Óli Þórleifsson dæmdi leikinn í dag en hann er mjög reynslumikill og þekktari sem línuvörður og hefur verið sem slíkur á leikjum um allan heim.
„Ég hefði frekar viljað fá lægra rankaðan dómara sem hefur áhuga á þessu og sýnir þessu virðingu."
Nánar er rætt við Þóru í sjónvarpinu hér að ofan.
Athugasemdir
