Kolbeinn í leiknum í kvöld.
„Það sást greinilega að við vorum ekki í okkasr besta standi í kvöld og menn virkuðu ryðgaðir," sagði sóknarmaðurinn Kolbeinn Sigþórsson eftir 3-2 tapið gegn Noregi í kvöld.
Lestu um leikinn: Noregur 3 - 2 Ísland
„Þetta var alls ekki nógu gott og sem betur fer er mótið ekki byrjað. Það vantaði kraft og áræðni í okkur en ég held að það sé gott að fá smá spark í rassinn. Við erum vanir því að koma til baka eftir slaka leiki svo ég hef ekki miklar áhyggjur af þessu."
Kolbeinn kom inn sem varamaður í seinni hálfleik en hann er að stíga úr meiðslum.
„Ég er mjög sáttur við það hvernig hnéð á mér var. Þetta gekk ágætlega. Ég er smá ryðgaður en fann að formið er í fínu lagi," sagði Kolbeinn en viðtalið má sjá í heild í sjónvarpinu hér að ofan.
