10. umferð Lengjudeildarinnar var spiluð í gær. Fjölnir tyllti sér á toppinn með 5-2 sigri gegn Gróttu og hélt svo toppsætinu þar sem Afturelding vann Njarðvík með sömu markatölu.

Máni Austmann Hilmarsson skoraði þrennu fyrir Fjölni á átta mínútum og Axel Freyr Harðarson bjó til ýmis vandræði fyrir Gróttuliðið sem hefur tapað fjórum leikjum í röð.

Hrannar Snær Magnússon var frábær á vinstri vængnum hjá Aftureldingu, skoraði og lagði upp í leiknum. Magnús Már Einarsson er þjálfari umferðarinnar eftir þennan stórsigur.

Leikmaður umferðarinnar
Elmar Kári Cogic - Afturelding
Skoraði tvö gegn liðinu sem var á toppnum fyrir umferðina og það var alltaf eitthvað um að vera þegar hann komst á boltann. Var virkilega öflugur en þegar hann er á deginum sínum þá eiga varnarmenn andstæðingana ekki von á góðu.