Napoli vann sjöunda leik sinn í Seríu A á Ítalíu í dag með 2-1 sigri á Fiorentina á meðan Bologna skellti Lazio, 3-0.
Lazio hafði átt ágætis byrjun á tímabilinu og aðeins tapað einum leik fram að leiknum gegn Bologna í dag.
Bologna komst yfir á 14. mínútu með marki frá Musa Barrow áður en Arthur Theate tvöfaldaði forystuna þremur mínútum síðar. Það var svo Aaron Hickey sem gulltryggði sigurinn á 68. mínútu.
Francesco Acerbi, miðvörður Lazio, var rekinn af velli með rautt spjald átta mínútum síðar. Bologna og Lazio eru bæði með 11 stig í deildinni.
Lorenzo Pellegrini heldur þá áfram að skora fyrir Roma. Hann gerði fyrra mark liðsins í 2-0 sigri á Empoli. Fjórða mark hans í deildinni og sjö í heildina á þessu tímabili. Roma er í fjórða sæti með 15 stig.
Napoli hefur þá unnið alla sjö leiki sína á þessari leiktíð. Sigurgangan hélt áfram í 2-1 sigri á Fiorentina. Napoli lenti undir á 28. mínútu með marki Lucas Martinez en Hirving Lozano jafnaði metin tíu mínútum síðar.
Lorenzo Insigne klúðraði vítaspyrnu fyrir Napoli rétt fyrir jöfnunarmarkið.
Amir Rahmani tryggði Napoli öll stigin þegar fimm mínútur voru búnar af síðari hálfleik og liðið því með fullt hús stiga eftir sjö umferðir.
Úrslit og markaskorarar:
Bologna 3 - 0 Lazio
1-0 Musa Barrow ('14 )
2-0 Arthur Theate ('17 )
3-0 Aaron Hickey ('68 )
Rautt spjald: Francesco Acerbi, Lazio ('76)
Fiorentina 1 - 2 Napoli
1-0 Lucas Martinez ('28 )
1-1 Hirving Lozano ('38 )
1-1 Lorenzo Insigne ('39 , Misnotað víti)
1-2 Amir Rrahmani ('50 )
Verona 4 - 0 Spezia
1-0 Giovanni Simeone ('4 )
2-0 Davide Faraoni ('15 )
3-0 Gianluca Caprari ('42 )
4-0 Daniel Bessa ('71 )
Rautt spjald: Simone Bastoni, Spezia ('82)
Roma 2 - 0 Empoli
1-0 Lorenzo Pellegrini ('42 )
2-0 Henrikh Mkhitaryan ('48 )
Sampdoria 3 - 3 Udinese
0-1 Roberto Pereyra ('15 )
1-1 Jens Stryger Larsen ('24 , sjálfsmark)
1-2 Beto ('43 )
2-2 Fabio Quagliarella ('48 , víti)
3-2 Antonio Candreva ('69 )
3-3 Fernando Forestieri ('82 )
Athugasemdir