Það er kominn hálfleikur í stórleik vikunnar í ensku úrvalsdeildinni þar sem Liverpool og Chelsea eigast við.
Liverpool gæti verið að fara að tapa fimmta heimaleik sínum í röð, en staðan er 1-0 fyrir Chelsea í hálfleik. Mason Mount skoraði eina markið sem var metið löglegt í fyrri hálfleiknum.
Timo Werner skoraði líka en það mark var dæmt af vegna rangstöðu. Afar tæpt en enn og aftur er VAR í ensku úrvalsdeildinni að dæma rangstöðu á eitthvað sem er mjög tæpt. Handakrikinn á honum virðist hafa verið rangstæður en mynd má sjá hér að neðan.
„Þú ert ekki lengur réttstæður ef þú ert jafn einhverjum. Leikurinn er verri fyrir þær sakir," skrifar Gary Lineker, fyrrum landsliðsmaður Englendinga, á Twitter um atvikið.
Chelsea hefur verið betri aðilinn í fyrri hálfleik en það er allur seinni hálfleikurinn framundan.
📸 - VAR says it’s offside… pic.twitter.com/zpj8mlfax9
— 𝐀𝐅𝐂 𝐀𝐉𝐀𝐗 💎 (@TheEuropeanLad) March 4, 2021
I’ll say it again, level is no longer onside, and the game is worse for it.
— Gary Lineker 💙 (@GaryLineker) March 4, 2021
Athugasemdir