Lazio byrjaði leikinn hratt. Albanski bakvörðurinn Elseid Hysaj lyfti boltanum frá hægri og inn á teiginn á Dia sem tók hann á kassann áður en hann lagði hann í hægra hornið.

Hlutirnir versnuðu bara fyrir Empoli-menn er Lorenzo Colombo, framherji liðsins, fékk heimskulegt annað gula spjald sitt er hann eltist við boltann við vítateig Lazio með því að setja takkana í síðu varnarmannsins.

Matteo Guendouzi var ekki langt frá því að tvöfalda forystuna undir lok hálfleiksins en fyrirgjöf hans fór í gegnum allan pakkann og rétt framhjá markinu.

Lazio var með ágætis tök á leiknum í síðari hálfleik og var því algerlega óþarfi fyrir Hysaj að sækja annað gula spjald sitt er hann togaði sóknarmann Empoli niður á hægri vængnum. Jafnt í liðum.

Mörkin urðu samt sem áður ekki fleiri og fagnaði Lazio dýrmætum sigri í Evrópubaráttu sinni. Liðið er í 4. sæti með 63 stig en Empoli í næst neðsta sæti með 25 stig.

Atlanta valtaði þá yfir botnlið Monza, 4-0, á útivelli. Belgíski sóknarmaðurinn Charles De Ketelare skoraði tvö mörk á ellefu mínútum í fyrri hálfleik áður en þeir Ademola Lookman og Marco Brescianini bættu við mörkum í þeim síðari.

Monza er með aðeins 15 stig á botninum og fallið niður um deild, en Atalanta í 3. sæti með 68 stig.

Empoli 0 - 1 Lazio
0-1 Boulaye Dia ('1 )
Rautt spjald: ,Lorenzo Colombo, Empoli ('38)Elseid Hysaj, Lazio ('76)

Monza 0 - 4 Atalanta
0-1 Charles De Ketelaere ('12 )
0-2 Charles De Ketelaere ('23 )
0-3 Ademola Lookman ('47 )
0-4 Marco Brescianini ('88 )