Guðný Árnadóttir.
„Tilfinningin er bara ótrúlega góð," sagði Guðný Árnadóttir, varnarmaður íslenska landsliðsins, eftir 2-1 sigur gegn Austurríki í gríðarlega mikilvægum leik í undankeppni EM 2025 í kvöld.
„Þetta er ótrúlega skemmtilegt eftir svona mikinn baráttuleik í þessu veðri. Það var geggjuð stemning og ótrúlega gaman að vinna þennan leik."
„Þetta er ótrúlega skemmtilegt eftir svona mikinn baráttuleik í þessu veðri. Það var geggjuð stemning og ótrúlega gaman að vinna þennan leik."
Lestu um leikinn: Ísland 2 - 1 Austurríki
Vindurinn hafði mikil áhrif á leikinn en íslenska liðið náði að nýta sér það.
„Þetta var ótrúlega skemmtilegt fyrir okkur. Alvöru íslenskar aðstæður. Við kunnum á þetta. Mér fannst við gera þetta vel í dag," sagði Guðný en íslenska liðið átti sigurinn skilið í kvöld, og einnig í síðasta leik á móti Austurríki.
„Þær virkuðu bara smá hræddar við okkur og það er akkúrat það sem við viljum. Stígandinn í þessu var bara ótrúlega góður."
Hún segir að það hafi verið gaman að fagna þessum mikilvæga sigri með stuðningsmönnunum.
„Það var skemmtilegt að sjá hversu margir mættu í þessum skítakulda. Það var ótrúlega gaman að fagna," sagði bakvörðurinn og bætti við:
„Þetta er allt í okkar höndum og þannig viljum við hafa það."
