Skemmtilegt sjónarhorn á mark Hákonar

„Ég öskraði mjög hátt og bað um boltann. Hann sá mig ekki en heyrði í mér, hann sagði mér frá því. Mér fannst ég vera að missa boltann frá mér í færinu en ég stökk á hann og það heppnaðist fullkomlega. Boltinn fór beint í hornið og það var góð tilfinning."

Þetta sagði Hákon Arnar Haraldsson leikmaður Lille í viðtali eftir 1-1 jafnteflið gegn Borussia Dortmund í Meistaradeildinni þegar hann ræddi um jöfnunarmark sitt.

Jonathan David lagði upp markið fyrir Hákon sem þurfti að kastaði sér skemmtilega á boltann þegar hann skoraði. Hákon var besti maður vallarins og fékk verðlaunagrip frá UEFA.

Lille hefur birt myndband af markinu frá skemmtilegu sjónarhorni og má sjá það hér að neðan.