Fótbolti.net

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

Heimir: Þurfum að setjast niður og læra af þessu

mán 05. september 2022 23:07

Brynjar Ingi Erluson

Aron Jó: Óska þeim til hamingju með Íslandsmeistaratitilinn

Aron Jóhannsson

Mynd: Fótbolti.net - Hafliði Breiðfjörð

Aron Jóhannsson, framherji Vals, óskar Breiðabliki til hamingju með Íslandsmeistaratitilinn, en lið hans tapaði í kvöld fyrir Blikum, 1-0, og er liðið nú með ellefu stiga forystu í efsta sæti deildarinnar.

Lestu um leikinn: Breiðablik 1 - 0 Valur

Blikar sköpuðu sér mörg góð færi í leiknum og voru gríðarlega sterkir í fyrri hálfleiknum. Eina mark leiksins kom á 63. mínútu er Ísak Snær Þorvaldsson kom boltanum yfir línuna eftir að Jason Daði Svanþórsson hafði komið með góða fyrirgjöf inn í teiginn.

„Ég held að heilt yfir voru þeir betri og sérstaklega í fyrri hálfleik þar sem þeir yfirspila okkur. Í seinni hálfleik var aðeins meira jafnræði með liðunum en heilt yfir voru þeir betri en við."

„Við fáum eitt eða tvö mjög góð færi til að komast yfir í byrjun síðari hálfleiks. Það vantaði ró á boltann en svo fórum við að spila honum en heilt yfir voru þeir betri og þetta er besta lið landsins í dag og ég óska þeim til hamingju með Íslandsmeistaratitilinn," sagði Aron við Fótbolta.net.

Það var mikið um stympingar og alvöru baráttu í leiknum en undir lok leiks fékk hann gult spjald. Hann keyrði þá inn í Anton Ara Einarsson, markvörð Blika, en Damir Muminovic ræddi það einmitt í viðtali við Fótbolta.net eftir leikinn. Aron kom inná það að hann hreinlega þolir ekki að tapa en að allir væru góðir eftir leik.

„Það er einhver smá pirringur í manni. Ég hata að tapa og djöfull þoli ég ekki að tapa. Það er erfitt að vera inná og auðvitað gerir maður heimskulega hluti. Það voru stympingar og ýtingar, kannski sanngjarnt gult spjald eða ekki. Lélegt að tapa bara. Það er bara hiti í þessu og það er ekki gaman að tapa. Ég er ekki góður í skapinu þegar mitt lið vinnur ekki en það er gaman af þessu og ekkert illa meint eða svoleiðis, svo er leikurinn búinn og maður tekur í höndina á þeim og óskar þeim til hamingju."

Valur er enn í góðum séns á að ná Evrópusæti. Liðið er í 4. sæti með 32 stig en tvær umferðir eru eftir af þessum 22 umferðum áður en umspilið fer af stað.

„Það eru góðir möguleikar á Evrópu og ekki mörg stig í það. Það góða við þetta 'play-offs' dæmi er að við eigum eftir að spila við öll þessi lið fyrir ofan okkur. Við erum að 'aima' á annað sætið og það er raunhæft markmið. Við erum með gott lið þegar við tökum okkur saman, spilum og höfum trú á verkefninu og þorum að spila fótbolta. Við þurfum að finna það aftur og einbeita okkur að næsta leik," sagði hann énnfremur.