Kyle Walker, bakvörður enska landsliðsins, fór í viðtal á Sky Sports, eftir 1-0 sigurinn á Íslandi í gær.
Walker átti ekki góðan leik fyrir England og fékk að líta sitt annað gula spjald og þar með rautt á 70. mínútu þegar hann fór í heimskulega tæklingu.
Walker mætti með demantseyrnarlokka í viðtalið, líkt og Albert Guðmundsson gerði eftir að hafa skorað tvennu fyrir AZ Alkmaar á dögunum. Ronald de Boer, fyrrum landsliðsmaður Hollands, hundskammaði hann þá.
„Voruð þið búnir að sjá myndina á Twitter?" spurði Tómas Þór Þórðarson í Innkastinu eftir leikinn í gær.
„Hann mætti í viðtal eftir leik með demantslokka í eyrum eftir að hafa fengið rautt spjald í landsleik og vera næstum því búinn að kosta liðið sitt tvö dýrmæt sig á móti Íslandi án þeirra fimm bestu manna. Væri ekki hægt að hringja í De Boer?"
Innkastið má í heild sinni hlusta á hér að neðan.
Is that the last time we will see Kyle Walker in an @England shirt? 🏴pic.twitter.com/YIOVVPFaxX
— Sky Sports Premier League (@SkySportsPL) September 6, 2020
Athugasemdir