Nathan Redmond hefur ekki verið í leikmannahópi Southampton í síðustu sex leikjum liðsins eftir að hafa komið inn á undir blálokin gegn Tottenham í fyrstu umferð ensku úrvalsdeildarinnar.
Redmond vill komast í burtu frá félaginu og hefur það gefið honum leyfi til þess að ræða við tyrknesk félög.
Redmond vill komast í burtu frá félaginu og hefur það gefið honum leyfi til þess að ræða við tyrknesk félög.
Stórliðin Besiktas, Fenerbahce og Galatasaray hafa öll áhuga á miðjumanninum. Southampton er tilbúið að selja leikmanninn og ætlar ekki að biðja um hátt kaupverð þar sem leikmaðurinn hefur verið dyggur þjónn félagsins síðustu ár.
Glugginn er ennþá opinn í Tyrklandi og öll félögin eru að bjóða Redmond svipaða samninga. Nú er hann að melta hvert þeirra sé besti kosturinn fyrir sig en öll eru félögin staðsett í Istanbúl.
Redmond er góður vinur Dele Alli sem er á láni hjá Besiktas og það gæti spilað inn í ákvörðunina.
Redmond er 28 ára og á tæplega ár eftir af samningi sínum við Southampton. Hann kom til félagsins frá Norwich árið 2016.
Athugasemdir