Nott. Forest 1 - 1 Bristol City (5-3 í vítaspyrnukeppni)
1-0 Divock Origi ('8 )
1-1 Jason Knight ('14 )
Nottingham Forest fékk Bristol City í heimsókn í enska bikarnum í kvöld. Sigurvegarinn mætir Manchester United í næstu umferð.
Forest komst yfir snemma leiks þegar Divock Origi stýrði boltanum í netið eftir skalla frá Felipe. Jason Knight jafnaði metin stuttu síðar.
Fleira markvert gerðist ekki í venjulegum leiktíma svo farið var í framlengingu.
Gestirnir voru mun sterkari undir lokin en tókst á einhvern ótrúlegan hátt ekki að skora svo grípa þurfti til vítaspyrnukeppni.
Callum Hudson-Odoi skoraði úr annarri spyrnu Nottingham Forest og kom liðinu í 2-1. Matt Turner varði aðra spyrnu Bristol City. Bæði lið skoruðu úr næstu spyrnum en það var Taiwo Awoniyi sem skoraði úr síðustu spyrnunni og tryggði Forest sigurinn.
