Fótbolti.net

sun 19. apríl 2026 15:06

Jóhann Þór Hólmgrímsson

England: Van Dijk tryggði Liverpool hádramatískan sigur

Mynd: EPA

Liverpool heimsótti Everton í fyrsta grannaslagnum á Hill Dickinson vellinum.

Everton byrjaði leikinn betur en David Moyes var ekki sáttur og vildi fá vítaspyrnu þegar Kiernan Dewsbury-Hall féll eftir viðskipti við Curtis Jones.

Iliman Ndiaye var fyrstur til að koma boltanum í netið eftir tæplega hálftíma leik en markið var dæmt af þar sem Jake O'Brien var rangstæður í aðdragandanum.

Aðeins tveimur mínútum síðar náði Liverpool forystunni. Cody Gakpo átti frábæra stungusendingu inn fyrir vörn Everton á Mohamed Salah sem átti ekki í neinum vandræðum og skoraði framhjá Jordan Pickford.

Everton jafnaði metin snemma í seinni hálfleik þegar Beto skoraði eftir frábæran undirbúning Dewsbury-Hall. Giorgi Mamardashvili, markvörður Liverpool, meiddist í kjölfarið og Freddie Woodman kom inn á í sínum fyrsta deildarleik.

Jarrad Branthwaite þurfti einnig að fara af velli vegna meiðsla og þaað urðu því mikil töf á leiknum og ellefu mínútum var bætt við. Það stefndi í jafntefli en Liverpool fékk hornspyrnu í blálokin og fyrirliðinn Virgil van Dijk skoraði og tryggði Liverpool dramatískan sigur.

Liverpool er í 5. sæti með 55 stig, sjö stigum á undan Chelsea, í baráttunni um Meistaradeildarsæti. Everton er í 10. sæti með 47 stig.

Morgan Gibbs-White var hetja Nottingham Forest í sigri á Burnley en hann gerði sér lítið fyrir og skoraði þrennu eftir að Zian Flemming hafði komið Burnley yfir. Igor Jesus innsiglaði sigur Forest með marki í uppbótatíma.

Forest er fimm stigum frá fallsæti en Burnley er 12 stigum frá öruggu sæti og er því í erfiðum málum.

Það var markaveisla í Birmingham þegar Aston Villa fékk Sunderland í heimsókn.

Ollie Watkins sá til þess að Aston Villa var með 2-1 forystu í hálfleik og hann lagði upp þriðja markið á Morgan Rogers strax í upphafi seinni hálfleiks.

Sunderland náði að jafna með tveimur mörkum á 86. og 87. mínútu en Tammy Abraham tryggði Aston Villa sigurinn með marki í uppbótatíma.

Aston Villa er í 4. sæti með 58 stig en Sunderland er í 11. sæti með 46 stig.

Nott. Forest 4 - 1 Burnley
0-1 Zian Flemming ('45 )
1-1 Morgan Gibbs-White ('62 )
2-1 Morgan Gibbs-White ('69 )
3-1 Morgan Gibbs-White ('77 )
4-1 Igor Jesus ('90 )

Everton 1 - 2 Liverpool
0-1 Mohamed Salah ('29 )
1-1 Beto ('54 )
1-2 Virgil van Dijk ('90 )

Aston Villa 4 - 3 Sunderland
1-0 Ollie Watkins ('2 )
1-1 Chris Rigg ('9 )
2-1 Ollie Watkins ('36 )
3-1 Morgan Rogers ('46 )
3-2 Trai Hume ('86 )
3-3 Wilson Isidor ('87 )
4-3 Tammy Abraham ('90 )

		L	U	J	T	ms:	mf:	mun	Stig
1	Arsenal	37	25	7	5	69	26	+43	82
2	Man City	37	23	9	5	76	33	+43	78
3	Man Utd	37	19	11	7	66	50	+16	68
4	Aston Villa	37	18	8	11	54	48	+6	62
5	Liverpool	37	17	8	12	62	52	+10	59
6	Bournemouth	37	13	17	7	57	53	+4	56
7	Brighton	37	14	11	12	52	43	+9	53
8	Chelsea	37	14	10	13	57	50	+7	52
9	Brentford	37	14	10	13	54	51	+3	52
10	Sunderland	37	13	12	12	40	47	-7	51
11	Newcastle	37	14	7	16	53	53	0	49
12	Everton	37	13	10	14	47	49	-2	49
13	Fulham	37	14	7	16	45	51	-6	49
14	Leeds	37	11	14	12	49	53	-4	47
15	Crystal Palace	37	11	12	14	40	49	-9	45
16	Nott. Forest	37	11	10	16	47	50	-3	43
17	Tottenham	37	9	11	17	47	57	-10	38
18	West Ham	37	9	9	19	43	65	-22	36
19	Burnley	37	4	9	24	37	74	-37	21
20	Wolves	37	3	10	24	26	67	-41	19