Hákon Arnar Haraldsson var ónotaður varamaður þegar Lille féll úr leik í 16 liða úrslitum franska bikarsins eftir tap gegn Lyon í kvöld. Hann skoraði sigurmark í síðasta bikarleik en ekkert spila síðan.
Gift Orban gekk til liðs við Lyon frá Gent í janúar en hann kom liðinu yfir eftir sendingu frá Rayan Cherki en þetta var fyrsta mark hans fyrir félagið.
Cherki tvöfaldaði forystu Lyon með marki strax í upphafi síðari hálfleiks. Alexsandro klóraði í bakkann fyrir Lille stuttu síðar en nær komst liðið ekki og þar við sat.
Sara Björk Gunnarsdóttir var ekki í leikmannahópi Juventus sem vann Sampdoria 1-0 í átta liða úrslitum ítalska bikarsins.
Juventus mætir Fiorentina í undanúrslitum en Alexandra Jóhannsdóttir spilar með Fiorentina. AC Milan og Roma mætast í hinum undanúrslitaleiknum en Guðný Árnadóttir er leikmaður Milan.
