Serhou Guirassy, leikmaður Stuttgart í Þýskalandi, fæst fyrir tombóluverð á markaðnum í sumar en þetta segir Fabrizio Romano á X.
Þessi 27 ára gamli sóknarmaður hefur skorað 17 mörk í þýsku deildinni á tímabilinu, en aðeins Harry Kane hefur skorað fleiri mörk en hann.
Félög um alla Evrópu vildu fá hann í janúarglugganum en Guirassy tók ákvörðun um að klára tímabilið með Stuttgart.
Hann mun skoða sín mál aftur í sumar en 17,5 milljóna evra klásúla hans verður áfram virk.
Borussia Dortmund, Fulham, Manchester United og Newcastle eru öll áhugasöm um kappann.
