Glódís Perla Viggósdóttir átti enn einn glansandi landsleikinn þegar íslenska landsliðið vann auðveldan 8-0 sigur á Makedóníu á Laugardalsvelli í kvöld.
Íslenska liðið trónir á toppi riðilsins og hefur ekki enn fengið mark á sig í undankeppninni. Sæti í lokakeppninni er gott sem tryggt.
Íslenska liðið trónir á toppi riðilsins og hefur ekki enn fengið mark á sig í undankeppninni. Sæti í lokakeppninni er gott sem tryggt.
Lestu um leikinn: Ísland 8 - 0 Makedónía
„Við stefnum á að halda hreinu út alla undankeppnina. Það væri geggjað. Ef við gerum það þá erum við 100% komnar áfram og munum standa okkur vel í lokakeppninni líka."
„Við vissum það fyrirfram að við værum töluvert betri og það er flott að vinna leikinn 8-0 og halda hreinu. Það er jákvætt fyrir okkur."
Einungis tveir leikir eru eftir af undankeppninni og eru íslenska liðið með fullt hús stiga.
„Við eigum tvo erfiða leiki eftir. Við eigum eftir að spila við Slóveníu sem eru með gott lið og svo aftur Skotlandi. Það eru hörkuleikir eftir," sagði varnarmaðurinn, Glódís Perla.
Viðtalið í heild sinni má sjá í sjónvarpinu hér að ofan.
