Ítalía: Genoa jafnaði undir lokin

Genoa og Como skildu jöfn, 1-1, í 12. umferð í Seríu A á Luigi Ferraris-leikvanginum í Genoa í kvöld. Heimamenn björguðu stigi með marki undir lok leiks.

Lucas Da Cunha gerði mark Como á 17. mínútu. Argentínski miðjumaðurinn Nico Paz lagði boltann út fyrir teiginn á Da Cunha sem skoraði með föstu innanfótarskoti neðst í vinstra hornið.

Patrick Cutrone taldi sig hafa tvöfaldað forystuna á 67. mínútu en mark hans var dæmt af vegna rangstöðu.

Þegar um tuttugu mínútur til leiksloka skipti Alberto Gilardino, þjálfari Genoa, Mario Balotelli inn á, en þetta var annar leikur hans fyrir félagið.

Balotelli tókst ekki að skora en nældi sér þó í gult spjald fyrir tæklingu, aðeins sjö mínútum eftir að hafa komið inn á.

Þegar lítið var eftir af leiknum skoraði Alessandro Vogliacco eftir hornspyrnu. Spyrnan kom inn í teiginn, fór af varnarmanni og fyrir Vogliacco sem þrumaði honum í netið.

Lokatölur 1-1 og bæði lið með 10 stig í 14. og 15. sæti deildarinnar.