Atletico Madrid tapaði fyrri leiknum í undanúrslitum spænska konungsbikarsins í gær þegar liðið fékk Athletic Bilbao í heimsókn.
Leiknum lauk með 1-0 sigri Bilbao en eina markið skoraði Álex Berenguer úr vítaspyrnu í fyrri hálfleik.
Þetta er fyrsta tap Atletico síðan liðið tapaði gegn Barcelona 1-0 í janúar á síðasta ári. Liðið hafði aðeins gert tvö jafntefli en bæði skiptin var það gegn Getafe í deildinni.
Alvaro Morata hélt að hann hefði fengið tækifæri til að jafna metin undir lokin þegar hann fékk vítaspyrnu en atvikið var skoðað í VAR og hann var að lokum dæmdur rangstæður í aðdragandanum.
Athugasemdir
