Besta deild kvenna: Sandra María opnaði markareikninginn með stæl - Þróttur lagði Val

Aðeins þremur mínútum síðar bætti Sonja Björg Sigurðardóttir við öðru marki Þór/KA. Karen María Sigurgeirsdóttir bætti þriðja markinu við þegar hún átti skot í slá og inn. Hún þurfti hins vegar að fara af velli stuttu síðar.

Hrafnhildur Eik Reimarsdóttir minnkaði muninn fyrir FHL á lokaandartökum fyrri hálfleiksins þegar hún átti skot sem sveif yfir Jessicu Berlin og boltinn hafnaði í netinu.

Sandra María fór langt með að tryggja sigur Þór/KA eftir klukkutíma leik.

FHL tóskt hins vegar að klóra í bakkann þegar liðið fékk vítaspyrnu. Bríet Jóhannsdóttir fékk rautt spjald fyrir brot á Björgu Gunnlaugsdóttur og Aida Kardovic skoraði úr vítaspyrnunni.

Sandra María fullkomnaði svo þrennu sína undir lok leiksins og innsiglaði sigur Þórs/KA.

Valur 1 - 3 Þróttur R.
1-0 Lillý Rut Hlynsdóttir ('15 )
1-1 Þórdís Elva Ágústsdóttir ('35 )
1-2 Freyja Karín Þorvarðardóttir ('46 )
1-3 María Eva Eyjólfsdóttir ('80 )
Lestu um leikinn

Valur tapaði öðrum leik sínum í röð þegar liðið fékk Þrótt í heimsókn sem vann þriðja leik sinn í röð og jafnaði Breiðablik að stigum á toppnum.

Lillý Rut Hlynsdóttir kom Valskonum yfir eftir stundafjórðung eftir hornspyrnu frá Önnu Rakel Pétursdóttur. Þórdís Elva Ágústsdóttir jafnaði metin fyrir Þrótt þegar hún setti boltann í autt markið eftir sendingu frá Mist Funadóttur.

Freyja Karín Þorvarðardóttir kom Þrótti yfir strax í upphafi seinni hálfleiks þegar hún skoraði með skalla eftir fyrirgjöf frá Caroline Murray.

Það var svo María Eva Eyjólfsdóttir sem innsiglaði sigur Þróttar þegar skammt var til loka leiksins.