Aron Einar var í vörn Al Gharafa
Aron Einar Gunnarsson lék allan leikinn með Al Gharafa sem vann mikilvægan 3-2 sigur á Al Rayyan í stjörnudeildinni í Katar í kvöld.
Fyrrum landsliðsfyrirliðinn var í hjarta varnarinnar hjá Al Gharafa sem kom til baka.
Gestirnir komust yfir eftir vandræðagang í teignum en í síðari hálfleik náði Al Gharafa að snúa leiknum sér í hag með tveimur mörkum á fjórum mínútum.
Þriðja markið gerði síðan Joselu, fyrrum leikmaður Real Madrid, með þrumufleyg.
Al Rayyan minnkaði muninn undir lok leiks er Roger Guedes skoraði úr vítaspyrnu og nokkrum mínútum síðar sá Saifeldeen Fadlalla, liðsfélagi Arons, að líta tvö gul á nokkrum mínútum.
Sem betur fer fyrir Al Gharafa kom það ekki að sök. Liðið er í öðru sæti með 34 stig, fjórum stigum frá toppliði Al Sadd eftir sautján umferðir.
Athugasemdir
