Sænska úrvalsdeildarfélagið Hammarby hefur sett nýtt met í deildinni með kaupum sínum á Victor Lind frá nágrönnunum í Brommapojkarna.
Lind er 24 ára gamall sóknarmaður sem lék með Brommapojkarna á síðustu leiktíð eftir að hafa spilað áður með Midtjylland, Ham/Kam, Vejle og Norrköping.
Danski leikmaðurinn skoraði 10 mörk fyrir Brommapojkarna í sænsku deildinni en hann mun nú spila fyrir nágranna þeirra í Hammarby næstu þrjú árin.
Samkvæmt sænsku blöðunum borgar Hammarby 2,6 milljónir evra fyrir Lind sem gerir hann að dýrasta leikmanni sem hefur farið á milli sænskra félaga og um leið að dýrasta leikmanni deildarinnar.
Alvöru yfirlýsing frá Hammarby sem hafnaði í öðru sæti deildarinnar á síðustu leiktíð, þrettán stigum á eftir óvæntum meisturum Mjällby sem unnu deildina í fyrsta sinn í sögu félagsins.
?????????? Victor Lind presenterades precis för Bajen i en allsvensk rekordövergång. Sista pusselbiten i jakten på det där eftertraktade guldet? pic.twitter.com/kTi4VW5dn3
— TuttoSvenskan (@TuttoSvenskan) February 26, 2026
Athugasemdir
