Mikkel Dahl í HB (Staðfest) - „Breytti um leikstíl og ég passaði ekki inn í"

Hann segir frá því við undirskriftina hjá færeyska félaginu að veran á Íslandi hafi verið mikil vonbrigði. Leiknir féll niður í næst efstu deild.

„Já, ævintýrið á Íslandi voru vonbrigði. Það fór ekki vel og þegar liðið breytti um leikstíl passaði ég ekki inn í hann," sagði Dahl sem skoraði aðeins fjögur mörk fyrir Leikni í Bestu deildinni.

Dahl ætlaði sér svo sannarlega að gera betur þar sem hann gekk til liðs við Leikni einmitt frá HB þar sem hann skoraði 27 mörk í 25 leikjum tímabilið áður.

Sjá einnig:
„Náði aldrei takti og heilt yfir mikil vonbrigði"