Christian Pulisic sagði í viðtali við GQ að engin stemning jafnist á við stemninguna á San Siro, heimavelli AC Milan.
Pulisic gekk til liðs við Milan í sumar frá Chelsea og spilað á öllum stóru völlunum á Englandi auk þess að hafa spilað með Dortmund en stuðningsmenn þýska liðsins eru þekktir fyrir frábæra stemningu.
„Maður finnur fyrir orkunni og ástríðunni frá öllum á vellinum. San Siro er sérstakur völlur. Ég hef verið í góðu andrúmslofti í Evrópu en þetta er klárlega það besta," sagði Pulisic.
Pulisic hefur leikið 29 leiki á tímabilinu, skorað sjö mörk og lagt upp sex.
Athugasemdir
