Byrjunarlið Aston Villa og Man Utd: Cavani bekkjaður

Þetta er fyrsti leikurinn af þremur á næstu sjö dögum hjá gestunum frá Manchester en þeir eru í fínum málum í öðru sæti deildarinnar. Vinni United í dag verður það tíu stigum á eftir grönnum sínum í Man City og með einn leik til góða.

Aston Villa hefur átt flott tímabil og situr liðið í ellefta sæti deildarinnar með 48 stig. Ef Villa vinnur í dag eða nær í stig fer það upp fyrir Arsenal á töflunni.

Dean Smith, stjóri Aston Villa, gerir enga breytingu frá sigurleiknum góða gegn Everton í síðustu umferð.

Ole Gunnar Solskjær, stjóri Man Utd, gerir eina breytingu frá 0-0 jafnteflisleiknum gegn Leeds í síðasta deildarleik United. Paul Pogba kemur inn í liðið fyrir Daniel James. Edinson Cavani er á bekknum í dag eins og gegn Leeds.

Aston Villa: Martínez, Cash, Konsa, Mings, Targett, Luiz, McGinn, Traoré, Barkley, El Ghazi, Watkins
(Varamenn: Heaton, Elmohamady, Nakamba, Chukwuemeka, Ramsey, Bidace, Davis, Wesley).

Manchester United: Henderson, Bissaka, Lindelof, Maguire, Shaw, McTominay, Fred, Pogba, Bruno, Greenwood, Rashford.
(Varamenn: De Gea, Bailly, Cavani, Mata, Telles, Matic, Williams, de Beek, Tuanzebe).