Lið Villarreal steinlá á heimavelli í dag gegn Celta Vigo er leikið var í 35. umferð spænsku úrvalsdeildarinnar.

Villarreal tryggði sér nýlega sæti í úrslitum Evrópudeildarinnar en liðið sló Arsenal úr leik á fimmtudag.

Það virðist hafa verið einhver þynnka í liði Villarreal sem tapaði 4-2 og fengu á sig tvö víti í bæði fyrri og seinni hálfleik.

Sigurinn gerir mikið fyrir Celta sem er nú fjórum stigum frá Evrópusæti en Real Betis er í sjöunda sætinu og á leik til góða.

Villarreal er enn í sjötta sætinu með 52 stig en má varla við að tapa fleiri leikjum í baráttu um Evrópusæti.

Þess má geta að tveir leikmenn Villarreal fengu rautt spjald í leiknum en hvorugur þeirra var inni á vellinum. Leikmennirnir voru þeir Geronimo Rulli og Mario Gaspar.