Tveir leikir fóru fram í ítölsku Serie A í kvöld. Leikið var í Verona og í Ferrara.

Á heimavelli Spal í Ferrara sigruðu gestirnir í Udinese með þremur mörkum gegn engu. Rodrigo De Paul skoraði fyrsta markið með skoti á 18. mínútu. Stefano Okaka tvöfaldaði forskotið á 35. mínútu með marki eftir frákast og það var svo Kevin Lasagna sem innsiglaði sigurinn á 81. mínútu eftir sendingu frá Seko Fofana.

Heimamenn í Verona byrjuðu betur og á 2. mínútu komust þeir yfir eftir góðan sprett Darko Lazovic. Verona fékk þrjú tækifæri og Inter fjögur til að koma inn marki áður en Antonio Candreva jafnaði leikinn á 49. mínútu.

Candreva var fyrstur á lausan bolta eftir frákast og jafnaði leikinn. Diego Godin átti sendinguna áður en Candreva átti sína fyrri tilraun en það var sú seinni sem fór í netið.

Federico Dimarco varð fyrir því óláni að skora sjálfsmark fyrir Verona á 55. mínútu en það var svo Portúgalinn Miguel Veloso sem jafnaði leikinn á 86. mínútu. Stöðuna í deildinni má sjá hér að neðan.

Sjá einnig:
Ítalía: Emil og félagar úr leik í umspilinu - Fer Emil til FH í ágúst?