Leikmenn frá Manchester United og Liverpool eru meðal leikmanna sem verða samningslausir í sumar.
Stórstjörnur á borð við Lionel Messi, Kylian Mbappe og Robert Lewandowski hafa fært sig um set á frjálsri sölu síðustu ár en hvernig er þessi markaður núna?
Stórstjörnur á borð við Lionel Messi, Kylian Mbappe og Robert Lewandowski hafa fært sig um set á frjálsri sölu síðustu ár en hvernig er þessi markaður núna?
Mirror setti saman byrjunarlið leikmanna sem renna út á samningi í sumar.
(Varaliðið: Nick Pope; Antonio Rudiger, Harry Maguire, Marcos Senesi, Vitalii Mykolenko; Julian Brandt, Fabinho, Weston McKennie; Sadio Mane, Mauro Icardi, Danny Welbeck)
Dayot Upamecano og Serge Gnabry hefðu komið til greina í liðið en fréttir herma að þeir séu búnir að gera samkomulag við Bayern München um nýja samninga.
Manuel Neuer - Samningur þýsku goðsagnarinnar við Bayern München rennur út í sumar en hann er enn aðalamarkvörður liðsins. Verður 40 ára gamall í mars.
Dani Carvajal - Það eru misvísandi fréttir af því hvort þessi 34 ára leikmaður muni framlengja við Real Madrid en það verður allavega skrítið að sjá hann ekki í hópnum hjá liðinu.
John Stones - Hefur verið í meiðslabrasi og talað um að hann þurfi að ná sér heilum til að sanna fyrir Manchester City að hann eigi skilið að fá nýjan samning.
Ibrahima Konate - Var sterklega orðaður við Real Madrid en sú umræða hefur þagnað. Ekki verið upp á sitt besta á þessu tímabili en það eru auknar líkur á að hann framlengi við Liverpool fyrst félagið fékk ekki Marc Guehi.
Andy Robertson - Annar Liverpool leikmaður. Tottenham gerði árangurslausa tilraun til að fá hann í janúar og er líklegt til að reyna aftur í sumar.
Bernardo Silva - Á hverju ári er sagt að hann sé á förum frá Manchester City en alltaf er hann áfram. Munu hann og Guardiola kveðja City saman í sumar?
Casemiro - Það hefur þegar verið staðfest að þessi 33 ára brasilíski miðjumaður yfirgefur Manchester United í sumar. Ekki er ólíklegt að hann haldi til Sádi-Arabíu eða Bandaríkjanna en markið og stoðsendingin gegn Fulham var áminning um hvað hann getur enn gert.
Leon Goretzka - Þessi þrítugi miðjumaður Bayern München virtist á leið til Atletico Madrid í janúar en ekkert varð af því. Er orðaður við ensku úrvalsdeildina, þar á meðal Arsenal.
Harry Wilson - Þessi 28 ára leikmaður er heitur með Fulham; sex mörk og fjórar stoðsendingar í tólf síðustu deildarleikjum. Everton gerði árangurslausa tilraun til að fá velska landsliðsmanninn í janúar.
Robert Lewandowski - Fjögurra ára veru Lewandowski hjá Barcelona er að ljúka. Þessi 37 ára pólski markahrókur hefur verið orðaður við AC Milan, Chicago Fire og Sádi-Arabíu. Hann mun ekki vera í vandræðum með að finna sér nýja vinnuveitendur.
Dusan Vlahovic - Serbneski sóknarmaðurinn er gríðarlega eftirsóttur. Þessi 26 ára leikmaður hefur ekki náð þeim hæðum sem búist var við hjá Juventus. Hefur verið orðaður við Barcelona. Á hann að fylla skó Lewandowski?
Athugasemdir
