Næstsíðasta umferð Lengjudeildarinnar verður öll leikin á morgun, laugardag. Úrslitin í deildinni eru þegar ráðin; Fylkir og HK leika í Bestu deildinni á næsta tímabili.

Það eru einmitt liðin sem féllu úr efstu deild í fyrra. KV og Þróttur Vogum eru fallin, liðin sem komu upp úr 2. deildinni.

Fylkir getur tryggt sér efsta sætið og þar með bikarinn þegar liðið fær fallna Þróttara í heimsókn í Árbæinn. Það má fastlega búast við heimasigri þar og að bikarinn fari á loft eftir leikinn.

Fylkismenn hafa sett saman veglega dagskrá með bílasýningu, candyflosi, ís og grilluðum hamborgurum.