„Þetta gætu verið nokkrir dagar eða nokkrar vikur," sagði Ole Gunnar Solskjær, stjóri United, eftir leik í gær. Solskjær staðfesti að Maguire yrði ekki með á morgun gegn Leicester. „El Ghazi lenti á Maguire og hann sneri á sér ökklann. Hann fer í myndatöku á morgun (í dag)"

United vann 1-3 endurkomusigur gegn Aston Villa í gær og sá til þess að Manchester City gat ekki fagnað titlinum strax. United mætir Leicester á morgun og svo Liverpool á fimmtudag í þéttri leikjatörn. Sigurinn í gær var tíundi endurkomusigur United á leiktíðinni.

Maguire jafnaði met 25 ára gamalt met Gary Pallister í síðasta leik þegar hann kláraði 71. leikinn í röð. Það merkilega við met Pallister er að hann lenti líka í því að klára ekki sinn 72. leik á Villa Park.