Portúgal 1 - 0 Frakkland
1-0 Eder ('109 )
1-0 Eder ('109 )
Portúgal er Evrópumeistari árið 2016 eftir ótrúlega dramatískan sigur á Frakklandi á Stade de France í París í kvöld.
Portúgalir urðu fyrir svakalegu áfalli snemma leiks þegar aðalstjarna liðsins, Cristiano Ronaldo, þurfti að yfirgefa völlinn vegna meiðsla.
Ekkert mark var skorað í venjulegum leiktíma en heimamenn voru sterkari aðilinn og þurfti Rui Patricio oft að hafa sig allan við til að halda marki Portúgala hreinu.
Í framlengingunni reyndust Portúgalarnir sterkari því varamaðurinn Eder gerði út um leikinn með góðu skoti utan teigs, rúmum tíu mínútum fyrir leikslok.
Portúgal því Evrópumeistari í fyrsta skipti í sögunni en heimamenn sitja eftir með sárt ennið og silfur um hálsinn.
