Spánn: Stórkostlegt sigurmark hjá Kroos

Real Madrid freistaðist þess að minnka forskot Barcelona á toppi deildarinnar en liðið fékk Cadiz í heimsókn.

Real Madrid komst yfir þegar Eder Militao var aleinn inn á teignum og skallaði boltann í netið eftir fyrirgjöf frá Toni Kroos.

Kroos var aftur í sviðsljósinu þegar um 20 mínútur voru til leiksloka. Real átti horn og boltinn barst út á Kroos sem tók skotið viðstöðulaust á lofti og skoraði. Stórkostlegt mark.

Cadiz náði að klóra í bakkann með einu marki en komst ekki lengra. 2-1 sigur Real staðreynd og er því liðið í 2. sæti, tveimur stigum á eftir Barcelona.

Valencia valtaði yfir Bets 3-0 á meðan Rayo Vallecano og Celta Vigo gerðu markalaust jafntefli.

Markið hjá Kroos.