Thomas Mikkelsen.
Möguleiki er á því að danski sóknarmaðurinn Thomas Mikkelsen spili á Íslandi næsta sumar.
Frá þessu var fyrst sagt í hlaðvarpinu Gula Spjaldið.
Frá þessu var fyrst sagt í hlaðvarpinu Gula Spjaldið.
„Maður heyrir að hann vill koma aftur til Íslands og það er búið að hlera nokkur félög. Það sem ég heyri er að FH sé í viðræðum við hann og mögulega fleiri félög," sagði Albert Brynjar Ingason í þættinum.
Samkvæmt heimildum Fótbolta.net þá hefur umboðsmaður Mikkelsen verið í sambandi við félög á Íslandi.
Mikkelsen, sem er 33 ára gamall, spilaði með Breiðabliki frá 2018 til 2021 og var á þeim tíma einn besti sóknarmaður Bestu deildarinnar. Hann hefur sannað það að hann getur svo sannarlega skorað mörk í deildinni hér heima.
Mikkelsen er núna á mála hjá Kolding í dönsku B-deildinni en hann hefur skorað sjö mörk í 18 deildarleikjum þar á tímabilinu. Samningur hans við félagið rennur út í sumar.
AI - Ragnar Bragi & Ásgeir Börkur loksins mættur til leiks!
— Gula Spjaldið (@gulaspjaldid) January 11, 2024
Klopp kann að nota bekkinn & Thomas Mikkelsen í FH?https://t.co/QfMpPhFbb4
Athugasemdir
