Ofurtölvan telur 58% líkur á að Liverpool verði Englandsmeistari

Liverpool er aðeins sjötta liðið í sögu ensku úrvalsdeildarinnar sem er með fimm stiga forystu í deildinni eftir ellefu leiki. Hin fimm liðin unnu öll titilinn á endanum, þar á meðal Liverpool tímabilið 2019-20.

Ofurtölvan telur aðeins 38% líkur á því að Manchester City vinni fimmta meistaratitil sinn í röð en City tapaði gegn Brighton á laugardagskvöld. Strax á eftir spilaði Liverpool og vann Aston Villa.

Arsenal, sem gerði 1-1 jafntefli gegn Chelsea, er talið eiga 3,5% líkur. Chelsea er með 0,2% og önnur lið eru með 0%.

„Ég myndi ekki afskrifa neitt lið sem er við toppinn eins og staðan er. Liverpool mun hiksta á einhverjum tímapunkti og mun lenda í meiðslavandræðum eins og öll önnur lið," segir Theo Walcott, fyrrum sóknarmaður Arsenal.