Rodgers brjálaður út í þá sem fóru í partý

Rodgers hafði nokkrum dögum fyrir partýið haldið fund með leikmönnum sínum þar sem hann bað þá að fara sérstaklega varlega næstu vikurnar og haga sér fagmannlega.

Rodgers vildi koma þessum skilaboðum á framfæri eftir að Caglar Soyuncu greindist með kórónuveiruna í landsliðsverkefni með Tyrkjum.

Þegar leikmennirnir fimm sem fóru í partýið, mættu á æfingasvæði Leicester á þriðjudag, voru þeir kallaðir á fund hjá Rodgers.

Þar fengu þeir þau skilaboð að þeir myndu ekki fá að æfa fyrr en þeir væru búnir að fara í kórónuveirupróf og að þeir myndu ekki fá að vera með í leiknum gegn West Ham.

Barnes er meiddur en hinir leikmennirnir æfðu einir í síðustu viku en ekki með öðrum liðsfélögum sínum.

Auk þess að vera í harðri baráttu um Meistaradeildarsæti þá mætir Leicester liði Southampton í undanúrslitum enska deildabikarsins um næstu helgi.