Birta Georgsdóttir skoraði tvö fyrir Blika
ÍBV 0 - 3 Breiðablik
0-1 Birta Georgsdóttir ('15 )
0-2 Birta Georgsdóttir ('40 )
0-3 Katrín Ásbjörnsdóttir ('90 )
Lestu um leikinn
0-1 Birta Georgsdóttir ('15 )
0-2 Birta Georgsdóttir ('40 )
0-3 Katrín Ásbjörnsdóttir ('90 )
Lestu um leikinn
Birta Georgsdóttir skoraði tvö mörk fyrir Breiðablik í 3-0 sigri á ÍBV í 8. umferð Bestu deildar kvenna á Hásteinsvelli í kvöld.
Eyjakonur hófu leikinn með vindinn í bakið og náðu að skapa smávægilega hættu fyrstu mínúturnar áður en Birta gerði fyrsta mark Blika á 15. mínútu.
Andrea Rut Bjarnadóttir kom boltanum á Birtu sem stakk varnarmenn ÍBV af og kláraði í netið.
Undir lok hálfleiksins gerði Birta annað markið. Hún dansaði í kringum varnarmenn Blika, lagði boltann á Andreu sem kom honum aftur á Birtu og þaðan fór boltinn á milli fóta Haley Marie Thomas og í markið.
Eyjakonur fengu sín færi í leiknum og tókst Caeley Michael Lordemann að skora eftir hornspyrnu en var dæmt rangstæð. Þegar atvikið var skoðað nánar virtist hún alls ekki í rangstöðu.
Blikar gerðu út um leikinn undir lokin. Katrín Ásbjörnsdóttir skoraði þá eftir að Clara Sigurðardóttir þræddi hana í gegn og 3-0 sigur Blika staðreynd.
Liðið er á toppnum með 16 stig og betri markatölu en Valur þegar þetta er skrifað. ÍBV er á meðan í 9. sæti með 7 stig.
Athugasemdir
