Enski sóknarmaðurinn Tammy Abraham, framherji AS Roma á Ítalíu, bað Jose Mourinho, leikmenn liðsins og stuðningsmenn félagsins afsökunar á frammistöðu sinni á þessari leiktíð.
Tammy átti frábært tímabil með Roma á síðustu leiktíð sem var hans fyrsta með félaginu. Hann varð fljótt mjög vinsæll meðal ástríðufulla stuðningsmanna liðsins en á þessu tímabili hefur ekki gengið jafn vel hjá kappanum.
Hann er ekki í enska landsliðshópnum sem fer á HM í Katar en honum tókst hins vegar loksins að skora á ný en það gerði hann í síðasta leik Roma gegn Sassuolo. Markið gerði hann með kraftmiklum skalla.
„Ég vil biðja þjálfarann, leikmennina og stuðningsmennina afsökunar á því að ég sé ekki að gera sömu hluti og á síðustu leiktíð. Ég hef ekki verið ég sjálfur undanfarið,” sagði Tammy.
„Þegar allt kemur til alls, er ég bara ungur maður, ég hef farið í gegnum erfiða tíma með lítið sjálfstraust. Við misstum smá einbeitingu. Við höfum spilað marga leiki á síðustu mánuðum og það kom þreyta.”
„Ég elska stuðningsmennina. Þeir hafa stutt við bakið á mér á erfiðum tímum, ég vil þakka þeim fyrir og borga til baka.”
Eins og áður segir þá skoraði Tammy gott mark í síðasta leik og hann vonar að þetta sé það sem koma skal.
„Ég vildi sýna stuðningsmönnunum að ég sé ennþá hér. Ég er klár í að hjálpa liðinu.”
Roma mætir Torino í Serie A deildinni á Ítalíu á morgun klukkan 14.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 28 | 18 | 7 | 3 | 63 | 27 | +36 | 61 |
| 2 | Napoli | 27 | 17 | 6 | 4 | 43 | 22 | +21 | 57 |
| 3 | Atalanta | 27 | 16 | 7 | 4 | 59 | 26 | +33 | 55 |
| 4 | Juventus | 27 | 13 | 13 | 1 | 45 | 21 | +24 | 52 |
| 5 | Lazio | 27 | 15 | 5 | 7 | 49 | 35 | +14 | 50 |
| 6 | Bologna | 28 | 13 | 11 | 4 | 44 | 34 | +10 | 50 |
| 7 | Fiorentina | 27 | 13 | 6 | 8 | 42 | 28 | +14 | 45 |
| 8 | Milan | 28 | 12 | 8 | 8 | 42 | 32 | +10 | 44 |
| 9 | Roma | 27 | 12 | 7 | 8 | 42 | 30 | +12 | 43 |
| 10 | Udinese | 27 | 11 | 6 | 10 | 34 | 37 | -3 | 39 |
| 11 | Torino | 28 | 8 | 11 | 9 | 33 | 34 | -1 | 35 |
| 12 | Genoa | 28 | 7 | 11 | 10 | 26 | 36 | -10 | 32 |
| 13 | Como | 28 | 7 | 8 | 13 | 34 | 44 | -10 | 29 |
| 14 | Cagliari | 28 | 6 | 8 | 14 | 28 | 43 | -15 | 26 |
| 15 | Verona | 28 | 8 | 2 | 18 | 28 | 58 | -30 | 26 |
| 16 | Lecce | 28 | 6 | 7 | 15 | 20 | 46 | -26 | 25 |
| 17 | Parma | 28 | 5 | 9 | 14 | 34 | 48 | -14 | 24 |
| 18 | Empoli | 27 | 4 | 10 | 13 | 23 | 44 | -21 | 22 |
| 19 | Venezia | 28 | 3 | 10 | 15 | 23 | 42 | -19 | 19 |
| 20 | Monza | 28 | 2 | 8 | 18 | 23 | 48 | -25 | 14 |
