Hann hefur verið sterklega orðaður við ríkjandi Íslandsmeistara KR. Stefán Teitur er samningsbundinn ÍA út næsta tímabil en þessi 21 árs leikmaður hefur verið undir smásjá félaga á norðurlöndunum einnig.

Stefán Teitur fór í viðtal við Fótbolta.net í kvöld eftir 3-2 tap gegn HK í Kórnum.

Hann var spurður út í sögusagnir um KR og hvernig honum litist á blikuna fyrir það sem gerist eftir tímabil.

„Ég hlakka til," sagði hann. „Ég ætla að halda áfram með ÍA og svo sjáum við hvað gerist eftir tímabilið."

Viðtalið er í heild sinni hér að neðan.