Spánn um helgina - Real Madrid getur komist á toppinn

Það er komin gríðarleg spenna í titilbaráttuna á Spáni en Barcelona hefur verið að missa flugið að undanförnu og Real Madrid náð að rétta úr kútnum.

Barcelona byrjaði tímabilið virkilega vel en hefur aðeins unnið einn af síðustu fimm leikjum sínum. Liðið fær Leganes í heimsókn sem er í botnbaráttu sem stendur.

Real Madrid hefur á sama tímaunnið fjóra af síðustu fimm leikjum sínum og getur komist á toppinn í bili að minnsta kosti ef liðið vinnur Rayo Vallecano á morgun.

Orri Steinn Óskarsson kom við sögu hjá Real Sociedad í gær eftir að hafa jafnað sig af meiðslum og vonandi kemur hann frekar við sögu þegar Sociedad fær Las Palmas í heimsókn á sunnudaginn. Atletico Madrid fær Getafe í heimsókn.