Valur samþykkti tilboð Fram í Bjarna Mark

Valur hefur samþykkt tilboð frá Fram í miðjumanninn Bjarna Mark Duffield.

Þetta fullyrti Leó Reynisson á samfélagsmiðlinum X og Fótbolti.net hefur sömu heimildir. Fram gerði tilboð í Bjarna og eftir viðræður við Val hafi náðst samkomulag um kaupverð.

Bjarni er 29 ára og kom til Vals frá Start í Noregi á síðasta ári. Hann lék nítján af 27 leikjum Vals í Bestu deildinni og skoraði eitt mark.

Þegar Birkir Heimisson gekk aftur i raðir Vals var ljóst að Bjarni myndi fá aukna samkeppni um sæti í liðinu.

Nú er útlit fyrir að Bjarni Mark sé á leið í Úlfarsárdalinn en Fram endaði í níunda sæti Bestu deildarinnar.