Svona er fyrsti hópur Tuchel - Quansah og Henderson óvænt valdir

Jarell Quansah, 22 ára varnarmaður Liverpool, er í hópnum og gæti því leikið sinn fyrsta landsleik. Quansah hefur leikið tíu úrvalsdeildarleiki á tímabilinu.

Hinn 34 ára gamli Jordan Henderson, sem nú spilar fyrir Ajax, er einnig í hópnum og það kemur líka á óvart. Kyle Walker, leikmaður AC Milan, er valinn en Tuchel fann hinsvegar ekki pláss fyrir Jarrad Branthwaite, miðvörð Everton.

Eins og við greindum frá í morgun þá hefur Dan Burn hjá Newcastle United óvænt verið valinn. Hann er 32 ára og hefur ekki spilað fyrir landsliðið. Myles Lewis-Skelly, 18 ára leikmaður Arsenal, gæti einnig leikið sinn fyrsta landsleik.

Marcus Rashford er mættur aftur í hópinn eftir árs fjarveru og liðsfélagi hans hjá Aston Villa, Morgan Rogers, fær einnig kallið.

Markverðir:
Jordan Pickford
Dean Henderson
Aaron Ramsdale
James Trafford

Varnarmenn:
Marc Guehi
Reece James
Levi Colwill
Ezri Konsa
Tino Livramento
Jarell Quansah
Dan Burn
Kyle Walker
Myles Lewis-Skelly

Miðjumenn:
Jude Bellingham
Eberechi Eze
Jordan Henderson
Curtis Jones
Cole Palmer
Declan Rice
Morgan Rogers

Sóknarmenn:
Anthony Gordon
Jarrod Bowen
Phil Foden
Marcus Rashford
Dominic Solanke
Harry Kane