Sæþór Olgeirsson.
Sóknarmaðurinn Sæþór Olgeirsson er ekki í leikmannahópi Völsungs gegn Reyni Sandgerði í 2. deild í dag. Hann var ekki heldur með í fyrstu umferð 1-3 sigri gegn Víkingi Ólafsvík.
Það var rætt um það í Ástríðunni á dögunum að Sæþór sé að glíma við meiðsli og spurning væri hvort hann myndi vera með á tímabilinu.
„Hann er mjög ólíklega að fara að spila í sumar... hann er að glíma við þrálát ökklameiðsli," sagði Sverrir Mar Smárason í hlaðvarpinu sem má hlusta á hér að neðan.
Það er ljóst að það yrði mikið áfall fyrir Völsung ef Sæþór verður ekki með á leiktíðinni. Hann skoraði 20 mörk í 19 leikjum með liðinu í 2. deild á síðustu leiktíð og er helsti markaskorari liðsins.
Hann gerði jafnframt 23 mörk í 21 leik í deildinni árið 2017.
Leikur Völsungs og Reynis var að hefjast núna klukkan 13:00 og er hann spilaður á Húsavík.
Athugasemdir
