Fanndís: Eigum bara ekki að þurfa að fá á okkur mark
Auglýsing
Fanndís fylgist með boltanum svífa í netið er hún skoraði seinna mark sitt
Mynd: Fótbolti.net - Hafliði Breiðfjörð
Fanndís fylgist með boltanum svífa í netið er hún skoraði seinna mark sitt
Mynd: Fótbolti.net - Hafliði Breiðfjörð
„Við byrjuðum ágætlega en fáum svo á okkur þetta mark. Við þurfum aðeins að fara yfir það hvernig við byrjum leikina, fáum alltaf á okkur mark til að koma okkur í gang. Svo fannst mér við sýna gæði í að koma okkur í 2-1 og klárum svo leikinn snemma í síðari hálfleik.“ Sagði Fanndís Friðriksdóttir leikmaður Vals eftir 3-1 sigur Valskvenna á liði Tindstóls á N1 vellinum að Hlíðarenda fyrr í kvöld.
Valsliðið er alls ekki ókunnugt því að lenda undir í leikjum á þessu tímabili en liðið vann til að mynda endurkomusigur gegn Keflavík í síðustu umferð. Liðið var þó fljótara að ná vopnum sínum í dag en þá.
„Já algjörlega en við þurfum eitthvað að skoða þetta hjá okkur. Við eigum bara ekki að þurfa að fá á okkur mark til að setja okkur í rétta gírinn.“
Þrátt fyrir að vera með fullt hús stiga á toppi deildarinnar hefur liðið verið að leka inn mörkum og á enn eftir að halda hreinu í deildinni á þessu tímabili.
„Það var markmið númer eitt í þessum leik en það var fljótt að fara.“
Næsti deildarleikur Vals er af stærri gerðinni en þar mætir liðið Breiðablik á Kópavogsvelli eftir rúmlega viku. Fanndís var þó alls ekki farin að hugsa svo langt.
„Við erum að spila í bikar um helgina og klárum þann leik fyrst svo er það bara fullur fókus á leikinn þar á eftir.“
Sagði Fanndís en allt viðtalið má sjá hér að ofan.
„Já algjörlega en við þurfum eitthvað að skoða þetta hjá okkur. Við eigum bara ekki að þurfa að fá á okkur mark til að setja okkur í rétta gírinn.“
Þrátt fyrir að vera með fullt hús stiga á toppi deildarinnar hefur liðið verið að leka inn mörkum og á enn eftir að halda hreinu í deildinni á þessu tímabili.
„Það var markmið númer eitt í þessum leik en það var fljótt að fara.“
Næsti deildarleikur Vals er af stærri gerðinni en þar mætir liðið Breiðablik á Kópavogsvelli eftir rúmlega viku. Fanndís var þó alls ekki farin að hugsa svo langt.
„Við erum að spila í bikar um helgina og klárum þann leik fyrst svo er það bara fullur fókus á leikinn þar á eftir.“
Sagði Fanndís en allt viðtalið má sjá hér að ofan.
