Federico Dimarco kom að báðum mörkum Inter en átti líka sökina í jöfnunarmarki Bologna
Inter 2 - 2 Bologna
0-1 Santiago Castro ('15 )
1-1 Denzel Dumfries ('19 )
2-1 Lautaro Martinez ('45 )
2-2 Emil Holm ('64 )
0-1 Santiago Castro ('15 )
1-1 Denzel Dumfries ('19 )
2-1 Lautaro Martinez ('45 )
2-2 Emil Holm ('64 )
Inter og Bologna gerðu 2-2 jafntefli er liðin mættust í 19. umferð Seríu A á Giuseppe Meazza-leikvanginum í Mílanó á Ítalíu í kvöld.
Mikill kraftur var í gestunum í byrjun leiks. Nikola Moro komst nálægt því að skora snemma leiks er hann lét vaða fyrir utan teig en Yann Sommer var vel staðsettur í markinu og tókst að verja í stöng.
Stuttu síðar skoraði Argentínumaðurinn Santiago Castro með smá heppni er skot hans fór af varnarmanni og lak framhjá Sommer og í netið.
Inter svaraði um hæl. Marcus Thuram keyrði fram völlinn, lagði boltann aftur fyrir sig á Federico Dimarco sem tók skotið, en Lukasz Skorupski varði skotið. Því miður fyrir Skorupski varði hann boltann til hliðar þar sem Denzel Dumfries var mættur í frákastið og skoraði.
Undir lok hálfleiksins kom Lautaro Martínez heimamönnum yfir eftir frábæra fyrirgjöf Dimarco. Vinstri bakvörðurinn var að eiga frábæran leik og var nálægt því að kóróna frammistöðuna með marki en aukaspyrna hans fór rétt framhjá í byrjun síðari hálfleiks.
Hálftíma fyrir leikslok jöfnuðu Bologna-menn og á Dimarco mestu sökina í því marki. Hann náði ekki að skalla frá fyrirgjöf. Riccardo Orsolini nýtti sér það, lagði boltann út á Emil Holm sem skaut föstu skoti í fjærhornið.
Inter fékk færi til að skora sigurmarkið er Mehdi Taremi klúðraði af stuttu færi. Lokatölur í Mílanó, 2-2, og er Inter í 2. sæti með 44 stig, þremur stigum frá toppliði Napoli, en Bologna í 8. sæti með 30 stig.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 30 | 22 | 3 | 5 | 66 | 24 | +42 | 69 |
| 2 | Milan | 30 | 18 | 9 | 3 | 47 | 23 | +24 | 63 |
| 3 | Napoli | 30 | 19 | 5 | 6 | 46 | 30 | +16 | 62 |
| 4 | Como | 30 | 16 | 9 | 5 | 53 | 22 | +31 | 57 |
| 5 | Juventus | 30 | 15 | 9 | 6 | 52 | 29 | +23 | 54 |
| 6 | Roma | 30 | 17 | 3 | 10 | 40 | 23 | +17 | 54 |
| 7 | Atalanta | 30 | 13 | 11 | 6 | 41 | 27 | +14 | 50 |
| 8 | Lazio | 30 | 11 | 10 | 9 | 31 | 28 | +3 | 43 |
| 9 | Bologna | 30 | 12 | 6 | 12 | 38 | 36 | +2 | 42 |
| 10 | Sassuolo | 30 | 11 | 6 | 13 | 36 | 40 | -4 | 39 |
| 11 | Udinese | 30 | 11 | 6 | 13 | 35 | 42 | -7 | 39 |
| 12 | Parma | 30 | 8 | 10 | 12 | 21 | 38 | -17 | 34 |
| 13 | Genoa | 30 | 8 | 9 | 13 | 36 | 42 | -6 | 33 |
| 14 | Torino | 30 | 9 | 6 | 15 | 34 | 53 | -19 | 33 |
| 15 | Cagliari | 30 | 7 | 9 | 14 | 31 | 42 | -11 | 30 |
| 16 | Fiorentina | 30 | 6 | 11 | 13 | 35 | 44 | -9 | 29 |
| 17 | Cremonese | 30 | 6 | 9 | 15 | 25 | 44 | -19 | 27 |
| 18 | Lecce | 30 | 7 | 6 | 17 | 21 | 40 | -19 | 27 |
| 19 | Verona | 30 | 3 | 9 | 18 | 22 | 52 | -30 | 18 |
| 20 | Pisa | 30 | 2 | 12 | 16 | 23 | 54 | -31 | 18 |
Athugasemdir
